ഇളം വെയിലിനെ പിന്നിലാക്കി
നാം നടന്നു താണ്ടിയ വഴികള്‍
ഓരോന്നും ഒന്നൊന്നായി പറഞ്ഞടുക്കി
നാം പങ്കിട്ട സ്നേഹത്തിന്‍റെ മൊഴികള്‍
വര്‍ണ്ണ ചിത്രങ്ങള്‍ വാരി വിതറി
വാനം നമുക്ക് മുകളില്‍ കുട വിരിച്ചു
ഓരം ചേര്‍ന്നിരുന്നു പങ്കിട്ട ചൂടും-
നിശ്വാസവും, ഹൃദയങ്ങളുടെ താളവും
എല്ലാം മറക്കാന്‍ കഴിഞ്ഞോ നിനക്ക് ?
ഒരു യാത്രാമൊഴി പോലും ചൊല്ലാതെ
ഈ വിജന തീരത്ത് ഞാനേകനെന്നോര്‍ക്കാതെ
മിഴികളിലായിരം ചോദ്യങ്ങളൊതുക്കി നീ
എങ്ങോ പൊയ് മറഞ്ഞുവോ കൂട്ടുകാരീ..
ഞാന്‍ കുറിച്ചിട്ട തോന്ന്യാക്ഷരങ്ങളില്‍
ഇടയ്ക്കിടെ പൊട്ടിക്കരഞ്ഞും, മൌനം വിതുമ്പിയും
ഓരോ വരികളും ഈണത്തില്‍ ചൊല്ലിയും
എന്നിലെ കവിയെ നീ ഊതിയുണര്‍ത്തി
നിന്‍ മിഴിച്ചന്തം, മൊഴിത്തേന്‍ എത്ര നുകര്‍ന്നു ഞാന്‍
നീല വിരിയിട്ട ആകാശച്ചെരുവ് ഇന്നലകളെ മാടി വിളിക്കുന്നു
കീറിയ താളില്‍ ഞാന്‍ കുറിക്കുന്നോരീ ചിന്ത്
എന്നിലെ ഓര്‍മ്മതന്‍ ബാക്കിപത്രം...
ഇന്നു ഞാന്‍ കാണുന്ന പൂവിലും പുല്‍ക്കൊടിത്തുമ്പിലും
നിന്നെ ഞാന്‍ തിരയുന്നു...എന്നിലെ കവി
No comments:
Post a Comment