ഇനി ഇവിടെ....
പ്രാകൃത മരണത്തിന്‍ നിഴലുകള്‍ മാത്രം
മനുഷ്യത്വം മരവിച്ച മനസ്സുകള്‍ മാത്രം
കാളസര്‍പ്പങ്ങള്‍ തന്‍ വിഷപ്പെരുക്കം മാത്രം
കത്തുമഗ്നി അണക്കാന്‍ മഴകാത്ത്...ഈ ഭൂമി മാത്രം
ഇനി ഇവിടെ....
നാഗസാകിയും ഹിരോഷിമയും ആവര്‍ത്തിക്കുന്നു
യന്ത്രത്തോക്കുകള്‍ കണ്ണില്‍ കണ്ണില്‍ നോക്കിയിരിക്കുന്നു
അതിന്‍ പിന്നിലെ മനസ്സുകള്‍ മാത്രം കഥ പറയുന്നു
വരണ്ട നാവില്‍ ഒരിറ്റു വെള്ളം?..ഇടയ്ക്കിടെ ദീനരോദനം
ഇനി ഇവിടെ....
വിവസ്ത്രയാം ദ്രൌപദിമാരുടെ കണ്ണുനീര്‍ മാത്രം
അട്ടഹസിക്കും ദുശാസന ധാര്‍ഷ്ട്യം മാത്രം.
മുറിവേറ്റ പക്ഷികള്‍ കഥ പറയും യുദ്ധ ഭൂമി മാത്രം
'മാ നിഷാദ' ചൊല്ലാന്‍ കഴിയാത്ത മരവിച്ച മനുഷ്യര്‍ മാത്രം.
ഇനി ഇവിടെ ????????
No comments:
Post a Comment