നനുത്തോരോര്‍മ്മപോലെ പിന്തുടരുന്ന കൗമാരം
ഉടയുന്ന ചിന്തകള്‍ അലയടിച്ചെത്തുന്ന യൗവനം
നിഴലുകളെ മുറുകെപ്പിടിച്ചു ഞാവിടെയെത്തി
ഈ വാര്‍ധക്യത്തില്‍
ഒരു നിലവിളക്കു കരിന്തിരി എരിയുംപോലെ
ഒരു ഗസല്‍ സംഗീതം കേട്ടു മറയും പോലെ
ഒരു സിനിമതന്‍ ക്ലൈമാക്സ്‌ പോലെ
ഒരു കടലിന്നാരവം നിലയ്ക്കും പോലെ...ഓര്‍മ്മകള്‍
"ഇല്ല വരുന്നില്ലുറക്കം" ഈ കടത്തിണ്ണയില്‍
എന്റെ നഷ്ടസ്വപ്നങ്ങളെ പുണര്‍ന്നിരിക്കുംപോള്‍
പുറത്തു തോരാതെ പെയ്യുന്നു തുലാ മഴ
ഒരു നനഞ്ഞ കാലന്‍ കോഴി എവിടെന്നോ കൂവുന്നു
ഒരിക്കല്‍, എന്‍ ജന്മം ഭാഗ്യമെന്നോതീ ചിലര്‍
തറവാടിന്‍ പുണ്യമെന്നു വേറെ ചിലര്‍
ഇന്ന് ഞാന്‍ അനന്തരാവകാശി, ഈ തണുത്ത നിശയുടെ
ഈ നില്‍ക്കാത്ത മഴയുടെ...
ഇന്നു ഞാനൊന്നുറങ്ങാന്‍ ശ്രമിക്കട്ടെ
മഴത്തുള്ളിയില്‍ വെളിച്ചം ചിതറുന്നു
ഒരു കീറിയ പുതപ്പെങ്കിലും കിട്ടിയെങ്കില്‍
അറിയാതെ ആശിച്ചുപോകുന്നു, .....ഈ വാര്‍ധക്യത്തില്‍
No comments:
Post a Comment