വന്നെത്തിയില്ലെന്തേ വര്ണ്ണമേഘങ്ങള്
സന്ധ്യയെപ്പട്ടുടുപ്പിക്കാന് ....
വന്നെത്തിയില്ലെന്തേ വാര് മഴവില്ക്കൊടി
സന്ധ്യയെ മഞ്ചലിലേറ്റാന്....
അന്തിമേഘം മങ്ങി സാഗരം വിങ്ങി
തീരത്ത് തിരകളും തേങ്ങി..
വന്നെത്തിയില്ലാ വിഹംഗങ്ങള് പോലും
സന്ധ്യയ്ക്കു മംഗളം നേരാന് ...
അന്ധകാരത്തിന്റെ കൊട്ടാര വാതിലില്
വന്ധ്യമെഘം കാത്തുനില്പ്പതാരെ ?
തീരത്ത് ഞാനുമീ തെങ്ങും തിരകളും
വിങ്ങുമൊരോര്മമയും മാത്രം....
No comments:
Post a Comment